BOST ATZAMARREN OTOITZA

Gaurko otoitza berezia da; kristau garenez, gure arduretariko bat otoitza da, ez bakarrik gure aldekoa eta gure arazoak konpontzekoa, harantzago begiratu behar baitugu, besteekin konprometituta bizi behar baitugu. Horretarako, gaurko otoitza:

Bost atzamarren otoitza

• 1.Atzamar/hatz lodia zugandik hurbilen dagoena da. Hortaz, hasi zugandik hurbilen daudenen alde otoitz eginez. Gogoratzeko errazenak dira horiek. Maite ditugunen alde otoitz egitea zeregin gozoa da.
• 2.Hurrengo atzamarra erakuslea da. Egin otoitz irakasten, hezten eta sendatzen dutenen alde. Laguntza eta jakituria behar dituzte beste batzuk bide onetik eramateko. Eskatu horien alde beti zure otoitzetan.
• 3.Hurrengo atzamarra luzeena da. Gure buruzagiak, gobernariak eta agintariak dakarzkigu burura. Jainkoaren laguntza behar dute.
• 4.Hurrengo atzamarra nagia da. Hau da gure atzamarrik ahulena. Egin dezagun otoitz ahulenen alde, gaixoen edo atsekabetuen alde. Gure otoitzen beharrean daude.
• 5.Azkenik atzamar txikia dator, denetatik txikiena. Zeure alde otoitz egitea gogorarazi beharko lizuke.

Lehenengo lau taldeen aldeko otoitza bukatu duzunean, zure beharrak perspektiba egokian agertuko zaizkizu eta zeure alde modu eraginkorragoan otoitz egiteko prest egongo zara [Frantzisko Aita Santua, Argentinako gotzain izan zenean].