Kaixo, lagunok.

Konturatuko zineten sarritan ospatu beharreko gertaera bereziren baten zain egoten zaretela. Festak, urtebetetzeak, familiako ospakizunak, nota onak, sariak… gertaera berezi horietako batzuk dira.

Ematen du, batzuetan, horrelako momentuetan bakarrik zaretela zoriontsu.

Hala ere, asko dira zoriontsu izateko ditugun arrazoiak, jaikitzen garenetik oheratu arte.

Kontua da ez dakigula egunero gure inguruan gertatzen diren gauza on guztiak apreziatzen. Egin gogoeta unetxo batean… eta ikusiko duzue esan dizuedan hau egia dela. Gurasoak… lagunak… jolas-ordua… maite zaituztetenek etengabean eskaintzen dizueten laguntza…

Horregatik, zuen adiskide naizenez, nire aholkua hauxe da: bizitza ilusioz eta optimismoz ikusten ikasi.

Ikusiko duzue bizitzan zoriontsu izateko arrazoi asko dagoela.